ఖైరతాబాద్ ఉపఎన్నిక నోటిఫికేషన్‌పై హైకోర్టులో పిటిషన్

xPress24, Hyderabad, October 1, ఖైరతాబాద్‌ అసెంబ్లీ స్థానానికి ఉపఎన్నిక నిర్వహణపై ఉత్కంఠ నెలకొంది. ఈ నేపథ్యంలో నియోజకవర్గ ఉపఎన్నికకు ఎలాంటి నోటిఫికేషన్ ఇవ్వకుండా ఎన్నికల సంఘాన్ని ఆదేశించాలని కోరుతూ విజయా రెడ్డి హైకోర్టులో పిటిషన్ దాఖలు చేశారు. గతంలో జరిగిన ఎన్నికల ఫలితాలు, పరిణామాలపై దాఖలైన పిటిషన్లపై న్యాయస్థానంలో విచారణ కొనసాగుతున్న విషయాన్ని ఆమె తన పిటిషన్‌లో ప్రస్తావించారు. ఎలక్షన్ పిటిషన్‌పై తుది తీర్పు కోరిన విజయా రెడ్డి రెవెన్యూ, ఎన్నికల అంశాలకు సంబంధించి 2024లో దానం నాగేందర్‌పై విజయా రెడ్డి ఎలక్షన్ పిటిషన్ దాఖలు చేశారు. ఆ పిటిషన్‌పై హైకోర్టులో తుది తీర్పు వచ్చే వరకు ఖైరతాబాద్‌ ఉపఎన్నిక నోటిఫికేషన్‌ జారీ చేయకూడదని ఆమె అభ్యర్థించారు. కోర్టులో పెండింగ్‌లో ఉన్న కేసులపై తుది నిర్ణయం వెలువడే వరకు ఎలాంటి ఎన్నికల ప్రక్రియ చేపట్టడం సరికాదని పిటిషన్‌లో పేర్కొన్నారు. న్యాయస్థానం నిర్ణయంపై సర్వత్రా ఉత్కంఠ విజయా రెడ్డి దాఖలు చేసిన ఈ పిటిషన్‌పై త్వరలోనే హైకోర్టు విచారణ చేపట్టే అవకాశం ఉంది. ఈ పరిణామం ఖైరతాబాద్‌‌ రాజకీయ వర్గాల్లో తీవ్ర చర్చనీయాంశంగా మారింది. కోర్టు తీర్పు ఆధారంగానే ఎన్నికల సంఘం తదుపరి అడుగులు ఉండే అవకాశం ఉందని రాజకీయ పరిశీలకులు భావిస్తున్నారు.