ఖరీఫ్ ధాన్యం సేకరణ సన్నాహక వర్క్‌షాప్‌

xPress24, Vijayawada, September 25, ఖరీఫ్‌ పంట ధాన్యం సేకరణ కోసం  రాష్ట్రవ్యాప్తంగా 2 వేల 619 కొనుగోలు కేంద్రాలను ఏర్పాటు చేస్తున్నట్లు పౌరసరఫరాల శాఖ మంత్రి నాదెండ్ల మనోహర్ వెల్లడించారు. విజయవాడలో జరిగిన ఖరీఫ్ ధాన్యం సేకరణ సన్నాహక కార్యశాలలో  మంత్రి  ఈ రోజు పాల్గొన్నారు. ఈ సందర్భంగా ఆయన మాట్లాడుతూ, ఈ ఖరీఫ్‌లో 37 లక్షల మెట్రిక్ టన్నుల ధాన్యాన్ని సేకరించాలని లక్ష్యంగా పెట్టుకున్నట్లు తెలిపారు. పంట కళ్లాల వద్ద నుంచే ధాన్యం సేకరణ, రవాణా ప్రక్రియను వేగవంతం చేయాలని అధికారులను ఆదేశించారు. రైతుల సమస్యల పరిష్కారం కోసం 1967 టోల్‌ఫ్రీ నంబర్‌తో పాటు జిల్లా స్థాయిలో ప్రత్యేక కాల్ సెంటర్లు ఏర్పాటు చేస్తామని  మంత్రి  వివరించారు.