గణేష్ నిమజ్జనానికి పకడ్బందీ ఏర్పాట్లు – పొన్నం ప్రభాకర్

హైదరాబాద్‌లో గణేష్ నిమజ్జనం ప్రశాంత వాతావరణంలో పూర్తయ్యేలా ప్రభుత్వం పకడ్బందీ ఏర్పాట్లు చేసిందని ఇంచార్జి మంత్రి పొన్నం ప్రభాకర్ తెలిపారు. 20 వేల మంది పోలీసులతో భారీ బందోబస్తు, 10 వేల సీసీ కెమెరాలు, డ్రోన్లతో నిరంతర నిఘా ఏర్పాటు చేశామన్నారు. ట్రాఫిక్, విద్యుత్, తాగునీరు, పారిశుద్ధ్యంతో పాటు 280కి పైగా క్రేన్లు, 136 గణేష్ యాక్షన్ టీమ్స్, హైడ్రా రెస్క్యూ బృందాలను సిద్ధంగా ఉంచామని వెల్లడించారు.