గిరిజనుల సంక్షేమానికి బీఆర్‌ఎస్ ప్రభుత్వం పెద్దపీట వేసింది: సత్యవతి రాథోడ్

xPress24, MAHABUBABAD, October 1, గిరిజనుల అభ్యున్నతి, సంక్షేమం కోసం గత బీఆర్‌ఎస్ ప్రభుత్వం అనేక విప్లవాత్మక పథకాలను అమలు చేసిందని మాజీ మంత్రి, బీఆర్‌ఎస్ నాయకురాలు సత్యవతి రాథోడ్ పేర్కొన్నారు. మహబూబాబాద్ జిల్లా కేంద్రంలో ఏర్పాటు చేసిన మీడియా సమావేశంలో ఆమె మాట్లాడారు. గిరిజనులకు పది శాతం రిజర్వేషన్లు పెంచుతూ గత ప్రభుత్వం జారీ చేసిన జీవోను సెప్టెంబర్ 30న అమలు చేసినట్లు ఈ సందర్భంగా ఆమె ప్రత్యేకంగా గుర్తుచేశారు. బీఆర్‌ఎస్ తొమ్మిదేళ్ల పాలనా కాలంలో ఎస్సీ, ఎస్టీ, బడుగు, బలహీన వర్గాల సంక్షేమానికి అత్యధిక ప్రాధాన్యం ఇచ్చామని స్పష్టం చేశారు. పేద కుటుంబాలకు చెందిన ఆడపిల్లల వివాహాల కోసం కల్యాణలక్ష్మి, షాదీ ముబారక్ వంటి పథకాలను ప్రవేశపెట్టి విజయవంతంగా అమలు చేసిన ఘనత బీఆర్‌ఎస్ ప్రభుత్వానికే దక్కుతుందని వెల్లడించారు. ఎమ్మెల్సీ ఓటరు నమోదు, బహిరంగ సభకు ఆహ్వానం రాబోయే పట్టభద్రుల ఎమ్మెల్సీ ఎన్నికల్లో అర్హులైన ప్రతి ఒక్కరూ ఓటర్ల జాబితాలో తమ పేర్లను తప్పనిసరిగా నమోదు చేసుకోవాలని సత్యవతి రాథోడ్ విజ్ఞప్తి చేశారు. అలాగే అక్టోబర్ 2న ములుగులో నిర్వహించనున్న బీఆర్‌ఎస్ భారీ బహిరంగ సభకు పార్టీ శ్రేణులు, కార్యకర్తలు, అభిమానులు పెద్ద సంఖ్యలో తరలివచ్చి విజయవంతం చేయాలని పిలుపునిచ్చారు. ఈ మీడియా సమావేశంలో మాజీ ఎమ్మెల్యే శంకర్ నాయక్, మాజీ జెడ్పీటీసీ చైర్‌పర్సన్ కుమారి బిందుతో పాటు పలువురు ప్రముఖ బీఆర్‌ఎస్ నాయకులు ఉత్సాహంగా పాల్గొన్నారు. బైట్ - సత్యవతి రాథోడ్, మాజీ మంత్రి