గ్లోబల్ సమిట్‌లో రక్షా ఎక్స్‌పో ఏర్పాట్లపై సీఎస్ సంజయ్ జాజు సమీక్ష

xPress24, Hyderabad, October 8, గ్లోబల్ సమిట్‌లో రక్షా ఎక్స్‌పో ఏర్పాట్లపై ప్రభుత్వ ప్రధాన కార్యదర్శి సంజయ్ జాజు సమీక్ష సమావేశం నిర్వహించారు. డిసెంబరు 7, 8, 9వ తేదీల్లో రక్షా ఎక్స్‌పో నిర్వహించనుండగా, 9వ తేదీన ప్రత్యేకంగా ఎయిర్‌షో ఏర్పాటు చేయనున్నట్లు తెలిపారు. డిఫెన్స్, ఏరోస్పేస్ రంగాల్లో పెట్టుబడులను ఆకర్షించడంలో ఈ రక్షా ఎక్స్‌పో అత్యంత కీలక వేదికగా నిలుస్తుందని సీఎస్ సంజయ్ జాజు పేర్కొన్నారు. ఈ సదస్సు విజయవంతం అయ్యేందుకు అన్ని శాఖల అధికారులు సమన్వయంతో పనిచేయాలని ఆదేశించారు. పకడ్బందీ ఏర్పాట్లు చేయాలని ఆదేశం అతిథులకు ఎలాంటి అసౌకర్యం కలగకుండా రవాణా, వసతి, భద్రతా ఏర్పాట్లను పకడ్బందీగా చేపట్టాలని సీఎస్ సూచించారు. జాతీయ, అంతర్జాతీయ స్థాయి పారిశ్రామికవేత్తలు, రక్షణా రంగ నిపుణులు ఈ సదస్సుకు హాజరయ్యే అవకాశం ఉన్నందున ఏర్పాట్లలో నాణ్యత ఉండాలని స్పష్టం చేశారు. ఎయిర్‌షో నిర్వహణకు సంబంధించి అన్ని రకాల భద్రతా ప్రమాణాలు పాటించాలని అధికారులను ఆదేశించారు. ఉపాధి అవకాశాల పెంపునకు దోహదం ఈ సదస్సు ద్వారా రాష్ట్రంలో రక్షణ రంగ పరిశ్రమల ఏర్పాటుకు కొత్త అవకాశాలు లభిస్తాయని వెల్లడించారు. దీనివల్ల స్థానిక యువతకు భారీగా ఉపాధి అవకాశాలు లభించే అవకాశం ఉందని పేర్కొన్నారు. ఈ సమావేశంలో వివిధ శాఖల ఉన్నతాధికారులు పాల్గొని ఏర్పాట్ల పురోగతిని వివరించారు.