జగన్‌ను కలిసిన సీపీఐ నేతలు

xPress24, Amaravati, September 24, తాడేపల్లి: మాజీ ముఖ్యమంత్రి, వైఎస్సార్‌ కాంగ్రెస్‌ పార్టీ అధ్యక్షుడు వైఎస్‌ జగన్‌మోహన్‌రెడ్డిని సీపీఐ నేతలు కలిశారు. తాడేపల్లిలోని వైఎస్సార్‌సీపీ కేంద్ర కార్యాలయంలో గురువారం ఈ సమావేశం జరిగింది. సీపీఐ జాతీయ ప్రధాన కార్యదర్శి కె. రామకృష్ణ, రాష్ట్ర ప్రధాన కార్యదర్శి జి. ఈశ్వరయ్య, జాతీయ కార్యవర్గ సభ్యురాలు అక్కినేని వనజ, రాష్ట్ర కార్యవర్గ సభ్యుడు పి. హరినాథరెడ్డి జగన్‌మోహన్‌రెడ్డిని కలిసిన వారిలో ఉన్నారు. సీపీఐ నేతలకు జగన్‌ సాదరంగా స్వాగతం పలికారు. ఈ సందర్భంగా రాష్ట్రంలో నెలకొన్న ప్రజా సమస్యలు, ఇతర ప్రజా సంబంధిత అంశాలపై ఇరుపక్షాల నేతలు చర్చించారు. రాష్ట్రంలో నెలకొన్న కరువు పరిస్థితుల నేపథ్యంలో ఈ నెల 26న విజయవాడలో నిర్వహించనున్న రౌండ్‌టేబుల్‌ సమావేశానికి వైఎస్సార్‌ కాంగ్రెస్‌ పార్టీని సీపీఐ నేతలు ఆహ్వానించారు. ఈ మేరకు సీపీఐ రాష్ట్ర ప్రధాన కార్యదర్శి జి. ఈశ్వరయ్య జగన్‌మోహన్‌రెడ్డికి ఆహ్వానం అందజేశారు. ఈ సమావేశంలో వైఎస్సార్‌సీపీ స్టేట్‌ కో-ఆర్డినేటర్‌ సజ్జల రామకృష్ణారెడ్డి కూడా పాల్గొన్నారు.