జాతీయ సరస్ ఆజీవికా మేళా ఏర్పాట్లపై స‌మీక్ష -పెమ్మ‌సాని చంద్ర‌శేఖ‌ర్‌

`జాతీయ సరస్ ఆజీవికా మేళా-2026` మహిళా స్వయం సహాయక బృందాలు, గ్రామీణ కళాకారులు, మహిళా పారిశ్రామికవేత్తలకు జాతీయ స్థాయి మార్కెటింగ్ వేదికను అందిస్తుందని కేంద్ర గ్రామీణాభివృద్ధి శాఖ సహాయ మంత్రి డాక్టర్ పెమ్మసాని చంద్రశేఖర్ అన్నారు. ఈరోజు విజయవాడలోని పున్నమి ఘాట్‌లో మేళా ఏర్పాట్లను సమీక్షించిన అనంతరం మంత్రి మాట్లాడుతూ... ఈ మేళా అక్టోబర్ 8 నుంచి 22 వరకు సుమారు 600 స్టాళ్లతో జరుగుతుందని తెలిపారు. దేశవ్యాప్తంగా సుమారు 2 వేల 500 మంది పాల్గొని చేనేత, హస్తకళలు, ఆహార పదార్థాలు, ఇతర గ్రామీణ ఉత్పత్తులను ప్రదర్శిస్తార‌ని చెప్పారు. స్వయం సహాయక బృందాల ఉత్పత్తులకు బ్రాండింగ్, మార్కెట్ అనుసంధానాలు, ప్రత్యక్ష అమ్మకాలను ఈ మేళా సులభతరం చేస్తుందని పెమ్మసాని చంద్ర‌శేఖ‌ర్‌ వివ‌రించారు.