జనసైనికుడు నులకాని సుధాకర్ కుటుంబాన్ని పరామర్శించిన ఎమ్మెల్యే చిర్రి బాలరాజు

xPress24, Koyyalagudem, September 25, కొయ్యలగూడెం మండలం పొంగుటూరు గ్రామానికి చెందిన జనసైనికుడు, పోలవరం ఎమ్మెల్యే చిర్రి బాలరాజు గారి వీరాభిమాని నులకాని సుధాకర్ ఇటీవల ఆకస్మికంగా మృతి చెందారు. విషయం తెలుసుకున్న ఎమ్మెల్యే చిర్రి బాలరాజు శుక్రవారం పొంగుటూరులోని సుధాకర్ నివాసానికి చేరుకుని ఆయన కుటుంబ సభ్యులను పరామర్శించారు. ఈ సందర్భంగా కుటుంబ సభ్యులతో మాట్లాడి వారికి తన ప్రగాఢ సానుభూతిని తెలియజేశారు. అనంతరం రూ.50,000 ఆర్థిక సహాయాన్ని అందజేశారు. సుధాకర్ కుటుంబానికి కూటమి ప్రభుత్వం తరఫున అండగా ఉంటామని, అన్ని విధాలా సహాయ సహకారాలు అందిస్తామని ఎమ్మెల్యే చిర్రి బాలరాజు భరోసా కల్పించారు. సుధాకర్ కుటుంబానికి అండగా నిలుస్తామని, కష్టకాలంలో వారికి తోడుగా ఉంటామని ఎమ్మెల్యే తెలిపారు. ఈ కార్యక్రమంలో ఎంపిడివో, ఎమ్మార్వో మిగిలిన అధికారులు మరియు కూటమి నాయకులు పారెపల్లి రమేష్, కొప్పుల రాజేష్, మారిశెట్టి అనిల్, శివకుమార్, చిరంజీవి, కొప్పుల శ్రీకాంత్, వామిశెట్టి మధు, పూనెం రాజా, మారిశెట్టి సాయి మణికంఠ,తదితరులు పాల్గొన్నారు.