ఢిల్లీ పర్యటనలో సీఎం రేవంత్ రెడ్డి

xPress24, Hyderabad, September 28, ముఖ్యమంత్రి రేవంత్ రెడ్డి ఢిల్లీ పర్యటనకు బయలుదేరివెళ్లారు.  ఈ  ఉదయం శంషాబాద్ విమానాశ్రయం నుంచి డిల్లీ కి బయలుదేరిన ముఖ్యమంత్రి రెండు రోజుల పాటు అక్కడే ఉండనున్నారు. రేపు జరగనున్న కాంగ్రెస్ వర్కింగ్ కమిటీ - CWC సమావేశంలో సీఎం రేవంత్ పాల్గొననున్నారు. ఈ సమావేశంలో దేశంలో ప్రస్తుత రాజకీయ పరిస్థితులు, త్వరలో జరగనున్న ఎన్నికలపై చర్చ,  తెలంగాణలో పార్టీ బలోపేతంపై చర్చించనున్నట్లు తెలుస్తోంది.  పర్యటనలో భాగంగా పార్టీ అగ్రనాయకత్వంతో సిఏం భేటీ కానున్నారు. రాష్ట్రానికి సంబంధించిన పెండింగ్ ప్రాజెక్టులు, నిధుల విషయంలో కేంద్ర పెద్దలతో కూడా చర్చించే అవకాశం ఉంది. ఎల్లుండి ఢిల్లీ పర్యటన ముగించుకొని హైదరాబాద్ చేరుకున్న వెంటనే సిరిసిల్లకు వెళ్లనున్నారు. అక్కడ జరగనున్న బహిరంగ సభలో పాల్గొననున్నట్లు పార్టీ వర్గాలు వెల్లడించాయి.