తెలంగాణలో పెరిగిన పగటి ఉష్ణోగ్రతలు.. ఖమ్మంలో అత్యధికంగా 36.4 డిగ్రీలు

xPress24, Hyderabad, October 12, రాష్ట్రవ్యాప్తంగా వర్షాలు పూర్తిగా తగ్గిపోయి పొడి వాతావరణం కొనసాగుతోంది. రాష్ట్రంలోని పలు ప్రాంతాల్లో సాధారణం కంటే అధికంగా పగటి ఉష్ణోగ్రతలు నమోదవుతాయని హైదరాబాద్ వాతావరణ కేంద్రం వెల్లడించింది. నిన్న ఖమ్మంలో అత్యధికంగా 36.4 డిగ్రీల సెల్సియస్ గరిష్ఠ ఉష్ణోగ్రత రికార్డు కాగా, ఆదిలాబాద్‌లో 36.3 డిగ్రీలు, మహబూబ్‌నగర్‌లో 36.0 డిగ్రీలు నమోదైంది. అత్యల్పంగా మెదక్‌లో కనిష్ఠ ఉష్ణోగ్రత 18.0 డిగ్రీల సెల్సియస్‌గా నమోదైంది. రాష్ట్రంలో గడచిన 24 గంటల్లో ఎక్కడా వర్షపాతం నమోదు కాలేదు. హైదరాబాద్ నగరంలో సాధారణం కంటే అధిక ఉష్ణోగ్రతలు హైదరాబాద్ నగరంలోనూ పగటి వేళ వేడి వాతావరణం కనిపించింది. బేగంపేట విమానాశ్రయం పరిధిలో గరిష్ఠ ఉష్ణోగ్రత 34.7 డిగ్రీల సెల్సియస్‌గా నమోదైంది, ఇది సాధారణం కంటే 2.9 డిగ్రీలు ఎక్కువ. హయత్‌నగర్ క్రిడా (CRIDA) వద్ద సాధారణం కంటే ఏకంగా 4.5 డిగ్రీలు పెరిగి 34.5 డిగ్రీల గరిష్ఠ ఉష్ణోగ్రత నమోదైంది. హకీంపేట్ ఎయిర్‌ఫోర్స్ స్టేషన్ వద్ద కనిష్ఠ ఉష్ణోగ్రత 18.5 డిగ్రీలు, పటాన్‌చెరు ఇక్రిశాట్ వద్ద 18.2 డిగ్రీలుగా నమోదై రాత్రి వేళల్లో చల్లటి వాతావరణం నెలకొంది.