దేశంలో అశాంతి సృష్టించేందుకు కాంగ్రెస్ కుట్ర: శాంతికుమార్

xPress24, Mahabubnager, October 15, మహబూబ్‌నగర్ జిల్లా కేంద్రంలోని బీజేపీ కార్యాలయంలో నిర్వహించిన మీడియా సమావేశంలో రాష్ట్ర ఉపాధ్యక్షుడు శాంతికుమార్ మాట్లాడారు. దేశంలో బీజేపీకి రోజురోజుకూ పెరుగుతున్న ప్రజాదరణను ఓర్వలేకనే కాంగ్రెస్ పార్టీ ఎస్ఐఆర్ పేరుతో అశాంతిని సృష్టించేందుకు ప్రయత్నిస్తోందని ఆరోపించారు. దేశంలో ఎక్కడ ఎన్నికలు జరిగినా ప్రజలు బీజేపీ వైపు మొగ్గు చూపుతున్నారని పేర్కొన్నారు. ప్రజల్లో విశ్వాసాన్ని కోల్పోతున్న కాంగ్రెస్, దాని మిత్రపక్షాలు అనవసర రాద్ధాంతం చేస్తూ రాజకీయ లబ్ధి పొందాలని చూస్తున్నాయని తెలిపారు. రాజ్యాంగ సంస్థలపై నిరాధార ఆరోపణలు ఎస్ఐఆర్, ఈవీఎంల ట్యాంపరింగ్ పేరుతో బీజేపీపై నిరాధార ఆరోపణలు చేస్తూ ప్రజలను తప్పుదోవ పట్టిస్తున్నారని శాంతికుమార్ విమర్శించారు. రాజ్యాంగబద్ధ సంస్థలైన సుప్రీంకోర్టు, ఎన్నికల కమిషన్‌పై కాంగ్రెస్ పార్టీ ఆరోపణలు చేయడం సమంజసం కాదన్నారు. రాజ్యాంగ సంస్థలపై ప్రజల్లో అపనమ్మకం కలిగించేలా వ్యవహరించడం సరికాదని పేర్కొన్నారు. హామీల అమలులో విఫలమైన ప్రభుత్వం తెలంగాణలో అమలుకు సాధ్యం కాని హామీలను ఇచ్చి అధికారంలోకి వచ్చిన కాంగ్రెస్ పార్టీ వాటిని అమలు చేయలేక కేంద్ర ప్రభుత్వంపై నిందలు వేస్తోందని శాంతికుమార్ తెలిపారు. రాష్ట్రంలో ప్రజలు తీవ్ర ఇబ్బందులు ఎదుర్కొంటుంటే, మంత్రివర్గం మొత్తం ఢిల్లీలో ధర్నాలు నిర్వహించడం ఏమిటని ప్రశ్నించారు. ప్రజలకు ఇచ్చిన హామీలను నెరవేర్చడంపై దృష్టి పెట్టకుండా కేంద్రంపై ఆరోపణలు చేయడం సరికాదని విమర్శించారు.