దేశాల మధ్య వ్యూహాత్మక సహకారం ఎంతో అవసరం: ఉపరాష్ట్రపతి

xPress24, Delhi, September 25, ప్రపంచవ్యాప్తంగా రోజురోజుకూ పెరుగుతున్న భద్రత, అభివృద్ధి సవాళ్లను సమర్థంగా ఎదుర్కొనేందుకు దేశాల మధ్య నిరంతర సంప్రదింపులు, వ్యూహాత్మక సహకారం ఎంతో అవసరమని ఉపరాష్ట్రపతి సి.పి. రాధాకృష్ణన్ స్పష్టం చేశారు. దిల్లీలో నిర్వహించిన 4వ అంతర్జాతీయ వ్యూహాత్మక కార్యక్రమం (IN-STEP) సదస్సులో ఉపరాష్ట్రపతి ప్రసంగించారు. సాంకేతికత, సైబర్‌స్పేస్, కృత్రిమ మేధస్సు, ఇంధన భద్రత, ఆర్థిక స్థితిస్థాపకత, సముద్ర భద్రత, వాతావరణ మార్పు, సరఫరా గొలుసులు వంటి పలు కీలక అంశాలు సంప్రదాయ భద్రతా సవాళ్లతో ముడిపడుతున్నాయని పేర్కొన్నారు. గ్లోబల్ సౌత్ దేశాల అనుభవాలు, అభివృద్ధి ప్రాధాన్యతలు ప్రపంచ స్థాయిలో చర్చలకు రావడం చాలా ముఖ్యమని తెలిపారు. అవినీతి నిరోధక చర్యలు, పారదర్శకత అవినీతిని సమర్థంగా ఎదుర్కొనేందుకు సమిష్టి ప్రయత్నాలు, ప్రజా జీవితంలో సంపూర్ణ పారదర్శకత అవసరమని ఉపరాష్ట్రపతి తెలిపారు. విజ్ఞానం, సాంకేతికత మానవాళి సమిష్టి శ్రేయస్సు కోసమే ఉపయోగపడాలని ఆకాంక్షించారు. వసుధైవ కుటుంబకం స్ఫూర్తిని చాటుతూ జ్ఞానాన్ని ప్రపంచ దేశాలు పరస్పరం పంచుకోవాలని సూచించారు. గ్లోబల్ సౌత్ భాగస్వామ్యం ప్రపంచ దేశాలు పరస్పర సహకారంతో ముందుకు సాగితేనే భవిష్యత్ సవాళ్లను ఎదుర్కోవడం సాధ్యమవుతుందని పేర్కొన్నారు. అంతర్జాతీయ వేదికలపై మారుతున్న పరిస్థితులకు అనుగుణంగా దేశాలన్నీ సమన్వయంతో పనిచేయాలని పిలుపునిచ్చారు. బైట్ - సి.పి. రాధాకృష్ణన్, ఉపరాష్ట్రపతి