దసరా ఉత్సవాలు

xPress24, Vijayawada, October 13, ఆంధ్రప్రదేశ్ లోని విజయవాడ ఇంద్రకీలాద్రిపై కొలువైన శ్రీదుర్గా మల్లేశ్వర స్వామి వారి ఆలయంలో దసరా శరన్నవరాత్రి ఉత్సవాలు వైభవంగా కొనసాగుతున్నాయి. ఉత్సవాల్లో భాగంగా ఆశ్వయుజ శుద్ధ తదియను పురస్కరించుకుని శ్రీ కనకదుర్గమ్మవారు అన్నపూర్ణాదేవి అలంకారంలో భక్తులకు ఈరోజు దర్శనమిస్తున్నారు. అన్నపూర్ణాదేవి సమస్త జీవరాశికి ఆహారాన్ని ప్రసాదించే తల్లిగా, అన్నదానానికి ప్రతీకగా పూజలందుకుంటారు. అన్నపూర్ణాదేవిని పూజించడం వల్ల ఇంట్లో అన్నపానాలకు లోటు ఉండదని, సుఖసంతోషాలు, సిరిసంపదలు కలుగుతాయని భక్తుల విశ్వాసం అన్నపూర్ణాదేవిగా అమ్మవారిని దర్శించుకునేందుకు భక్తులు పెద్ద సంఖ్యలో ఆలయానికి తరలివస్తున్నారు. మరోవైపు శ్రీశైలం దసరా ఉత్సవాల్లో భాగంగా శ్రీ భ్రమరాంబికాదేవి బ్రహ్మచారిణి అలంకారంలో  గత రాత్రి దర్శనమిచ్చారు. అలాగే తెలంగాణలో  బతుకమ్మ సంబరాల్లో భాగంగా ఈ రోజు నాన బియ్యం బతుకమ్మను నిర్వహిస్తున్నారు.