నేడు ఎల్ నినో పరిస్థితులపై సీఎం రేవంత్ రెడ్డి సమీక్ష

xPress24, Hyderabad, October 15, రాష్ట్రంలో ఎల్ నినో పరిస్థితులను ఎదుర్కొనే చర్యలపై ముఖ్యమంత్రి రేవంత్ రెడ్డి ఈ సాయంత్రం మంత్రులతో ప్రత్యేక సమావేశం నిర్వహించనున్నారు. జూన్, జూలై వరకు వర్షాభావ పరిస్థితులు తీవ్రమయ్యే ప్రమాదం ఉన్నందున ప్రభుత్వం యుద్ధప్రాతిపదికన చేపట్టాల్సిన చర్యలపై కీలక నిర్ణయాలు తీసుకోనున్నారు. నిన్న ఉన్నతాధికారులతో నిర్వహించిన సమీక్షలో విద్యుత్, తాగునీటి సరఫరాపై సీఎం పలు ఆదేశాలు జారీ చేశారు. పంటలకు విద్యుత్ సరఫరాకు ప్రాధాన్యం రానున్న 20 రోజులు పంటలకు అత్యంత కీలకమని, విద్యుత్ కొరత కారణంగా రైతులు పంట నష్టపోకూడదని సీఎం స్పష్టం చేశారు. వ్యవసాయానికి విద్యుత్ అవసరం ఎక్కువగా ఉన్న ప్రాంతాలను గుర్తించి సరఫరా పెంచాలని సూచించారు. కోవిడ్ తరహా విపత్తుగా పరిగణించాలి ఎల్ నినో ప్రభావంతో తలెత్తిన పరిస్థితులను కోవిడ్ తరహా విపత్తుగా పరిగణించి అన్ని ప్రభుత్వ శాఖలు అప్రమత్తంగా వ్యవహరించాలని ఆదేశించారు. తాగునీటి ఎద్దడి తలెత్తకుండా ముందస్తు ప్రణాళికలు అమలు చేయాలని స్పష్టం చేశారు.