నంద్యాల జిల్లా యువతకు ప్రధానమంత్రి ప్రశంస

xPress24, Nandyal, September 28, నంద్యాల జిల్లాలో పురాతన ఆలయాలు, కోనేరులు, బావులను పునరుద్ధరిస్తున్న యువత సేవలను ప్రధానమంత్రి  నరేంద్ర మోదీ ప్రశంసించారు. నిన్న  ప్రసారమైన మన్‌కీ బాత్ కార్యక్రమంలో రాష్ట్రానికి  చెందిన యువత పాడుబడిన పురాతన బావిని పునరుద్ధరించిన విషయాన్ని ప్రధానమంత్రి  ప్రస్తావించారు.జిల్లాలోని కొలిమిగుండ్ల మండలం ఇటిక్యాల గ్రామంలోని 600 ఏళ్ల నాటి బావిని యువత పునరుద్ధరించింది. కాంత్ అనే యువకుడు తన స్నేహితులతో కలిసి ‘పూర్వ సంపద రక్షకసేన’ను ఏర్పాటు చేసి పురాతన కట్టడాల పరిరక్షణకు కృషి చేస్తున్నారు. గ్రామస్థుల సహకారంతో విరాళాలు సేకరించి ఇప్పటివరకు ఆళ్లగడ్డ, బనగానపల్లి, అవుకు, కొలిమిగుండ్ల మండలాల్లో పలు బావులు, కోనేరులు, ఆలయాలను పునరుద్ధరించారు.