నిరుపేద విద్యార్థులకు గవర్నర్‌ శివప్రతాప్‌ శుక్లా స్కాలర్‌షిప్‌ల పంపిణీ

ఆర్థిక ఇబ్బందులు విద్యార్థుల చదువుకు అడ్డంకి కాకూడదని తెలంగాణ గవర్నర్‌ శివ ప్రతాప్‌ శుక్లా అన్నారు. లోక్‌భవన్‌లో మహామన శిక్షా సేవా ప్రకల్ప్‌ కార్యక్రమంలో 28 మంది నిరుపేద విద్యార్థులకు 5 లక్షల రూపాయల స్కాలర్‌షిప్‌ చెక్కులను గవర్నర్‌ పంపిణీ చేశారు. స్కాలర్‌షిప్‌ను జీవితాన్ని తీర్చిదిద్దుకునే అవకాశంగా సద్వినియోగం చేసుకోవాలని విద్యార్థులకు సూచించారు. మాదకద్రవ్యాల దుష్ప్రభావాలపై యువత అప్రమత్తంగా ఉండాలని, 'దేశమే ప్రథమం' అనే భావనతో కృషి చేయాలని పిలుపునిచ్చారు.