నల్గొండలో ‘సేవా సంకల్ప్ అభియాన్’లో రామచందర్‌రావు

పంటలు ఎండిపోవడానికి కారణమై, కాంగ్రెస్ ప్రభుత్వం అన్నదాతలను తీవ్రంగా మోసం చేసిందని బీజేపీ రాష్ట్ర అధ్యక్షుడు ఎన్. రామచందర్ రావు మండిపడ్డారు. బీజేపీ ప్రతినిధి బృందంతో కలిసి నల్గొండ జిల్లాలో పర్యటించిన ఆయన, రైతులను నేరుగా కలిసి సమస్యలు తెలుసుకోవడమే పర్యటన ఉద్దేశమన్నారు. నల్గొండలో జరిగిన 'సేవా సంకల్ప్ అభియాన్' కార్యక్రమంలో ఆయన పాల్గొన్నారు. ప్రధాని నరేంద్ర మోదీ ప్రభుత్వాధినేతగా 25 ఏళ్ల ప్రజాసేవ పూర్తిచేసుకున్న సందర్భంగా దీన్ని చేపట్టినట్లు తెలిపారు. స్వచ్ఛ భారత్ కార్యక్రమంలో స్వయంగా పాల్గొన్న ఆయన, సేవ, స్వచ్ఛత ప్రజా ఉద్యమంగా మారాలని పిలుపునిచ్చారు. మోదీ స్ఫూర్తితో కార్యకర్తలు సమాజ, దేశ సేవకు అంకితభావంతో పనిచేయాలని కోరారు.