నెల్లూరు నగర అభివృద్ధికి ప్రణాళిక

xPress24, Nellore, September 28, వచ్చే రెండేళ్లలో నెల్లూరు నగరాన్ని అన్ని విధాలా అభివృద్ధి చేస్తామని రాష్ట్ర పురపాలక, పట్టణాభివృద్ధి శాఖ మంత్రి పి.నారాయణ తెలిపారు. నెల్లూరులోని వెంకటేశ్వరపురం, జనార్దన్ రెడ్డి కాలనీ, ముత్తుకూరు సెంటర్‌లో వివిధ అభివృద్ధి కార్యక్రమాలకు మంత్రి సోమవారం  శంకుస్థాపన చేశారు. ఈ సందర్భంగా  ఆయన మాట్లాడుతూ ప్రస్తుతం చేపట్టిన వివిధ అభివృద్ధి పనులను రెండేళ్లలోగా పూర్తి చేయడమే లక్ష్యంగా పనిచేస్తున్నామని తెలిపారు.నెల్లూరు నగరంలో అత్యాధునిక వసతులతో క్రీడా మైదానాన్ని నిర్మిస్తామని చెప్పారు. ప్రభుత్వ పాలిటెక్నిక్ కళాశాలలో మౌలిక వసతులను మెరుగుపరుస్తామని తెలియజేశారు.