పొంగులేటి నివాసం, కార్యాలయాల ఈడీ సోదాల వివరాలు వెల్లడించాలని బీఆర్‌ఎస్ డిమాండ్

మంత్రి పొంగులేటి శ్రీనివాస్ రెడ్డి నివాసం, కార్యాలయాల్లో 2024 సెప్టెంబర్‌లో ఈడీ చేసిన సోదాల వివరాలు వెల్లడించాలని బీఆర్‌ఎస్ ప్రజాప్రతినిధులు డిమాండ్ చేశారు. బీఆర్‌ఎస్‌వీ, బీఆర్‌ఎస్‌వై ఆధ్వర్యంలో నాయకులు హైదరాబాద్ బషీర్‌బాగ్‌లోని ఈడీ కార్యాలయానికి వెళ్లారు. లోపలికి వెళ్లకుండా పోలీసులు అడ్డుకోవడంతో కార్యాలయం ఎదుట నిరసన తెలిపారు. తర్వాత అధికారులను కలిసి లేఖ అందించారు. ఎమ్మెల్సీలు శంబీపూర్ రాజు, నవీన్ రెడ్డి, బీఆర్‌ఎస్‌వీ అధ్యక్షుడు గెల్లు శ్రీనివాస్ యాదవ్ పాల్గొన్నారు.