పబ్లిక్ లిటిగేషన్ పాలసీపై మంత్రివర్గ ఉపసంఘం భేటీ

xPress24, Amaravati, October 8, ఆంధ్రప్రదేశ్ రాష్ట్ర ప్రజా వ్యాజ్య విధానం -ఏపీ స్టేట్ పబ్లిక్ లిటిగేషన్ పాలసీ విధివిధానాల ఖరారుపై ఏర్పాటైన మంత్రివర్గ ఉపసంఘం  అమరావతిలోని రాష్ట్ర సచివాలయంలో బుధవారం  సమావేశమైంది. మంత్రులు ఎన్ఎండి ఫరూక్,  నాదెండ్ల మనోహర్,  వంగలపూడి అనిత, అనగాని సత్యప్రసాద్,  సత్యకుమార్ యాదవ్  సమావేశంలో పాల్గొన్నారు. ఈసందర్భంగా ఇతర రాష్ట్రాల్లో అమలవుతున్న విధానాలపై న్యాయశాఖ అధికారులు మంత్రివర్గ ఉపసంఘానికి వివరించారు. అనవసర వ్యాజ్యాలను తగ్గించడం, సకాలంలో వివాదాలను పరిష్కరించడం, ప్రత్యామ్నాయ వివాద పరిష్కార వేదికలను ఏర్పాటు చేయడం లక్ష్యంగా రాష్ట్ర ప్రజా వ్యాజ్య విధానాన్ని త్వరలో రూపొందిస్తామని మంత్రి ఫరూక్ తెలిపారు.