ప్రపంచ రేబిస్ దినోత్సవం నిర్వహణ

ప్రపంచ రేబిస్ దినోత్సవాన్ని ఈరోజు జరుపుకుంటున్నారు. "స్ట్రాంగర్ టుగెదర్", అంటే కలిసికట్టుగా బలంగా అనేది ఈ ఏడాది ఇతివృత్తంగా ఉంది. రేబిస్ నిర్మూలన అందరి సమష్టి కృషితోనే సాధ్యమని ఇది చాటిచెబుతోంది. రేబిస్ టీకా కనుగొన్న లూయీ పాశ్చర్ వర్ధంతి రోజైన ఈ తేదీని, గ్లోబల్ అలయన్స్ ఫర్ రేబిస్ కంట్రోల్ ప్రపంచ దినోత్సవంగా 2007 నుంచి జరుపుతోంది. ఏటా సుమారు 59 వేల మంది రేబిస్ వల్ల మరణిస్తున్నారు. కుక్కలకు టీకాలు వేయించడం, కరిచిన వెంటనే చికిత్స తీసుకోవడం ద్వారా దీన్ని నివారించవచ్చు.