ప్రభుత్వ హైస్కూల్ ఆధునికీకరణ

xPress24, Nellore, October 9, నెల్లూరు, 09 అక్టోబర్  2026 : రాష్ట్రవ్యాప్తంగా ప్రభుత్వ పాఠశాలలను ఆధునిక వసతులతో అభివృద్ధి చేస్తున్నామని  పురపాలక శాఖ మంత్రి పి. నారాయణ తెలిపారు. నెల్లూరులోని ఏసీ నగర్‌లో 10 కోట్ల రూపాయల నిధులతో చేపట్టనున్న  ప్రభుత్వ ఉన్నతపాఠశాల  ఆధునికీకరణ పనులకు మంత్రి ఈ రోజు  శంకుస్థాపన చేశారు.అనంతరం మంత్రి మాట్లాడుతూ..నెల్లూరు  నగరంలో అభివృద్ధి పనులను ప్రభుత్వ  సహకారంతో  2028 చివరి నాటికి  పూర్తి చేస్తామని వెల్లడించారు. విద్య ద్వారానే సమాజంలో మార్పు సాధ్యమని, అందుకే ప్రభుత్వ పాఠశాలలను అభివృద్ధి చేస్తున్నామని వివరించారు. విద్యార్థులు బాగా చదివి జీవితంలో ఉన్నత స్థాయికి ఎదగాలని మంత్రి నారాయణ ఆకాంక్షించారు.