ప్రయాణికుల సౌకర్యార్థం ప్రత్యేక రైళ్లు

xPress24, Vijayawada, October 17, దసరా పండగ నేపథ్యంలో ప్రయాణికుల సౌకర్యార్థం విజయవాడ – విశాఖపట్నం స్టేషన్ల మధ్య ప్రత్యేక రైళ్లు నడపాలని రైల్వేశాఖ నిర్ణయించింది. ఈ రోజు విశాఖపట్నం - విజయవాడ మధ్య, ఎల్లుండి విజయవాడ - విశాఖపట్నంల మధ్య జనసాధారణ్‌ ప్రత్యేక రైళ్లు నడపనున్నట్లు ఒక ప్రకటనలో పేర్కొంది. ఈ రైళ్లు దువ్వాడ, అనకాపల్లి, తుని, సామర్లకోట, రాజమహేంద్రవరం, తాడేపల్లిగూడెం, ఏలూరు స్టేషన్లలో ఆగుతాయని వెల్లడించింది. మరోవైపు ఈ రోజు, రేపు విజయవాడ - పలాస.. రేపు, ఎల్లుండి పలాస - విజయవాడ మధ్య జనసాధారణ్‌ ప్రత్యేక రైళ్లు నడపనున్నట్లు రైల్వే శాఖ తెలిపింది.