పార్వతీపురం మున్సిపల్ కమిషనర్‌గా బి. రాంగోపాల్ బాధ్యతల స్వీకరణ

xPress24, Parvathipuram, October 1, పార్వతీపురం మన్యం జిల్లా, అక్టోబర్ 1: పార్వతీపురం పురపాలక సంఘం నూతన కమిషనర్‌గా బి. రాంగోపాల్ గురువారం బాధ్యతలు స్వీకరించారు. బాధ్యతలు చేపట్టిన అనంతరం కలెక్టరేట్‌లో జిల్లా కలెక్టర్ డా. ఎన్. ప్రభాకర రెడ్డిని మర్యాదపూర్వకంగా కలసి పుష్పగుచ్ఛం అందజేశారు. ఈ సందర్భంగా మున్సిపాలిటీ పరిధిలో కొనసాగుతున్న అభివృద్ధి పనులు, పారిశుద్ధ్య నిర్వహణ, ప్రజలకు అందుతున్న తాగునీటి సరఫరా తదితర అంశాలపై కలెక్టర్‌తో చర్చించారు. పట్టణాన్ని సర్వాంగ సుందరంగా తీర్చిదిద్దడంతో పాటు ప్రజల సమస్యల పరిష్కారానికి నిరంతరం అందుబాటులో ఉంటూ, ప్రణాళికాబద్ధంగా పనిచేస్తానని నూతన కమిషనర్ బి. రాంగోపాల్ తెలిపారు.