పరిశుభ్రత ప్రతి పౌరుడి నైతిక కర్తవ్యం: కేంద్ర మంత్రి కిషన్ రెడ్డి

xPress24, Hyderabad, October 1, పరిశుభ్రత ప్రతి పౌరుడి నైతిక కర్తవ్యమని కేంద్ర మంత్రి కిషన్ రెడ్డి పేర్కొన్నారు. న్యూఢిల్లీలో స్వచ్ఛత హి సేవా కార్యక్రమంలో భాగంగా నిర్వహించిన స్వచ్ఛతా డ్రైవ్‌లో కేంద్ర మంత్రి  పాల్గొన్నారు. స్థానిక అధికారులు, పార్టీ కార్యకర్తలు, ప్రజలతో కలిసి స్వయంగా వీధులను ఊడ్చడంతో పాటు చెత్తను తొలగిస్తూ పరిశుభ్రత ప్రాముఖ్యతపై ప్రజల్లో అవగాహన కల్పించారు. మహాత్మా గాంధీ కలలు కన్న స్వచ్ఛ భారత్ సాధనే లక్ష్యంగా ఈ ఉద్యమం నిరంతరం కొనసాగుతోందని కిషన్ రెడ్డి ఈ సందర్భంగా తెలిపారు. బాధ్యతగా స్వీకరించాలని విజ్ఞప్తి ప్రధాని నరేంద్ర మోదీ పిలుపునిచ్చిన ఈ స్వచ్ఛ భారత్ మిషన్‌ను ప్రతి ఒక్కరూ సామాజిక బాధ్యతగా స్వీకరించి విజయవంతం చేయాలని కోరారు. దేశాన్ని పరిశుభ్రంగా ఉంచేందుకు ప్రజల భాగస్వామ్యం అత్యంత కీలకమని పేర్కొన్నారు. ఆరోగ్యకరమైన సమాజ నిర్మాణానికి పరిశుభ్రతే తొలి మెట్టని అభివర్ణించారు. అధికారులు, ప్రజల భాగస్వామ్యం ఈ కార్యక్రమంలో పాల్గొన్న స్థానిక ప్రజలు, కార్యకర్తలు ఉత్సాహంగా శ్రమదానం చేశారు. దేశ రాజధానిలో పారిశుద్ధ్య పనులను ముమ్మరం చేయడంలో భాగంగా ఇలాంటి కార్యక్రమాలు ఎంతగానో ఉపయోగపడతాయని నాయకులు తెలిపారు. బైట్ - జి.కిషన్ రెడ్డి, కేంద్ర మంత్రి