ఫార్ములా ఈ-కార్ రేస్ కేసు.. ఏసీబీ కోర్టులో కేటీఆర్ డిశ్చార్జ్ పిటిషన్

xPress24, Hyderabad, October 13, ఫార్ములా ఈ కార్ రేస్ కేసులో మాజీ మంత్రి కేటీఆర్ నాంపల్లి ఏసీబీ కోర్టులో డిశ్చార్జ్ పిటిషన్ దాఖలు చేశారు. ఈ కేసుకు సంబంధించి ఏసీబీ అధికారులు దాఖలు చేసిన ఛార్జ్‌షీట్‌లో తన పేరును తొలగించాలని, నిందితుల జాబితా నుంచి తనను తప్పించాలని ఆయన కోర్టును అభ్యర్థించారు. మాజీ మంత్రి కేటీఆర్ దాఖలు చేసిన ఈ డిశ్చార్జ్ పిటిషన్‌పై నాంపల్లి ఏసీబీ కోర్టు వచ్చే నెలలో  విచారణ చేపట్టనున్నట్లు తెలుస్తోంది. పాజ్... ఈ కేసులో ఏసీబీ అధికారులు ఇప్పటికే కేటీఆర్‌ను ఏ1  నిందితుడిగా ఛార్జ్‌షీట్‌లో పేర్కొనగా, ఆ ఛార్జ్‌షీట్‌ను న్యాయస్థానం పరిగణనలోకి తీసుకున్న విషయం విదితమే. ఈ వ్యవహారంలో కేటీఆర్ ఇప్పటికే రెండుసార్లు స్వయంగా కోర్టు విచారణకు కూడా హాజరయ్యారు. ఈ క్రమంలో తాజాగా ఏసీబీ వేసిన ఛార్జ్‌షీట్‌లో తన ప్రమేయం లేదని, తన పేరును తొలగించాలని కోరుతూ ఆయన దాఖలు చేసిన పిటిషన్‌పై ఏసీబీ కోర్టు త్వరలోనే విచారించి తుది నిర్ణయం తీసుకోనుంది.