బొబ్బిలిలో జలమయమైన లోతట్టు ప్రాంతాలు

xPress24, Bobbili, September 25, బొబ్బిలి: విజయనగరం జిల్లా బొబ్బిలిలో మూడు రోజులుగా కురుస్తున్న వర్షాలతో లోతట్టు ప్రాంతాలు జలమయమయ్యాయి. పాతబొబ్బిలి నుంచి టీబీఆర్‌ థియేటర్‌ మార్గంలో వర్షపు నీరు రోడ్డుపై నిలిచిపోవడంతో ఎమ్మెల్యే ఆర్‌.వీ.ఎస్‌.కె.కె. రంగారావు (బేబీ నాయన) శుక్రవారం ఉదయం మున్సిపల్‌ కమిషనర్‌, ఇరిగేషన్‌ అధికారులతో కలిసి ఆ ప్రాంతాన్ని పరిశీలించారు. నీటి ప్రవాహానికి అడ్డుగా ఉన్న గట్లను తొలగించి, వర్షపు నీరు సజావుగా వెళ్లేలా తక్షణ చర్యలు చేపట్టాలని అధికారులను ఆదేశించారు. అలాగే, సమస్యకు శాశ్వత పరిష్కారం చూపేందుకు సమగ్ర ప్రణాళిక రూపొందించాలని సంబంధిత అధికారులకు సూచించారు.