బీసీలకు 34 శాతం రిజర్వేషన్లకు ఎన్డీఏ కూటమి కట్టుబడి ఉంది

xPress24, Ramachandhrapuram, October 1, రామచంద్రాపురం: స్థానిక సంస్థల ఎన్నికల్లో బీసీలకు 34 శాతం రిజర్వేషన్లు కల్పించేందుకు ఎన్డీఏ కూటమి కట్టుబడి ఉందని రాష్ట్ర కార్మిక శాఖ మంత్రి వాసంశెట్టి సుభాష్ స్పష్టం చేశారు. డాక్టర్ బి.ఆర్. అంబేద్కర్ కోనసీమ జిల్లా రామచంద్రాపురంలో ఆయన మీడియాతో మాట్లాడుతూ.. బీసీలకు 34 శాతం రిజర్వేషన్లు కల్పిస్తూ ప్రభుత్వం జీవో నంబర్లు 105, 1065 జారీ చేయగా, ప్రతిపక్ష వైఎస్సార్‌సీపీ వాటిని అడ్డుకునేందుకు ప్రయత్నిస్తోందని ఆరోపించారు. బీసీలకు 34 శాతం రిజర్వేషన్లు కల్పిస్తే రాజకీయంగా వారికి ప్రాధాన్యత పెరుగుతుందనే ఉద్దేశంతోనే వైఎస్సార్‌సీపీ కోర్టును ఆశ్రయించిందని విమర్శించారు. బీసీలకు న్యాయం జరిగేలా అవసరమైన చర్యలు తీసుకుంటామని, ఈ అంశంపై సుప్రీంకోర్టును ఆశ్రయిస్తామని మంత్రి వాసంశెట్టి సుభాష్ తెలిపారు.