జాతీయం
భారత్-ఇరాన్ భద్రతా సలహాదారుల కీలక చర్చలు: తాజా ప్రాంతీయ పరిణామాలు, ద్వైపాక్షిక అంశాలపై ఫోన్ సంభాషణ
13-10-2026 10:58
భారత జాతీయ భద్రతా సలహాదారు అజిత్ దోవల్, ఇరాన్ భద్రతా మండలి కార్యదర్శి మొహ్‌సేన్ రెజాయ్ ఫోన్ ద్వారా చర్చలు జరిపారు. ప్రాంతీయ శాంతిభద్రతలు, తాజా అంతర్జాతీయ పరిణామాలు, పరస్పర ప్రయోజనాలపై ఇరువురు నేతలు అభిప్రాయాలు పంచుకున్నట్లు న్యూఢిల్లీలోని ఇరాన్ ఎంబసీ వెల్లడించింది.
xPress24, Delhi, October 13,
భారత్, ఇరాన్ దేశాల ఉన్నత స్థాయి భద్రతా అధికారుల మధ్య కీలక చర్చలు జరిగాయి. భారత జాతీయ భద్రతా సలహాదారు (NSA) అజిత్ దోవల్, ఇరాన్ సుప్రీం నేషనల్ సెక్యూరిటీ కౌన్సిల్ కార్యదర్శి మొహ్‌సేన్ రెజాయ్‌తో ఫోన్‌లో మాట్లాడారు. ఈ విషయాన్ని న్యూఢిల్లీలోని ఇరాన్ రాయబార కార్యాలయం సోషల్ మీడియా వేదికగా వెల్లడించింది. ఈ సంభాషణలో తాజా ప్రాంతీయ, అంతర్జాతీయ పరిణామాలతో పాటు ఇరు దేశాల ఉమ్మడి ప్రయోజనాలకు సంబంధించిన కీలక భద్రతా అంశాలపై ఇరువురు అధికారులు విస్తృతంగా అభిప్రాయాలను పంచుకున్నారు. ప్రాంతీయ శాంతి, భద్రతలను పరిరక్షించడంలో పరస్పర సహకారాన్ని కొనసాగించాలని ఇరు వర్గాలు నిర్ణయించాయి.