ముగిసిన నామినేషన్ల గడువు

xPress24, Amaravathi, October 19, ఆంధ్రప్రదేశ్‌లో పట్టణ స్థానిక సంస్థల సాధారణ ఎన్నికల నామినేషన్ల గడువు నిన్నటితో ముగిసింది.  మూడు రోజుల్లో కలిపి మేయర్‌ స్థానాలకు 330, మున్సిపల్‌ ఛైర్మన్‌ స్థానాలకు 1038, కార్పొరేటర్‌ స్థానాలకు 8198, కౌన్సిలర్‌ స్థానాలకు 16253 నామినేషన్లు దాఖలయ్యాయి. మొత్తంగా 25 వేల 819 నామినేషన్లు వచ్చినట్లు రాష్ట్ర ఎన్నికల సంఘం  ప్రకటించింది. సోమవారం నామినేషన్ల పరిశీలన, ఈ నెల 21వ తేదీన ఉపసంహరణల ప్రక్రియ పూర్తయిన తర్వాత పోటీలో ఉండే అభ్యర్థుల తుది జాబితాను ఎన్నికల అధికారులు ప్రకటించనున్నారు.