మచిలీపట్నంలో మై భారత్ యువ వాలంటీర్ల ఎంపిక

xPress24, Machilipatnam, October 15, కృష్ణా జిల్లా, మచిలీపట్నం | అక్టోబర్ 16, 2026 కేంద్ర యువజన వ్యవహారాలు, క్రీడల మంత్రిత్వ శాఖ ఆధ్వర్యంలో నిర్వహిస్తున్న మై భారత్ (MY Bharat) కార్యక్రమంలో భాగంగా కృష్ణా జిల్లా యువ వాలంటీర్ల ఎంపిక ప్రక్రియను మచిలీపట్నంలోని కలెక్టరేట్‌లో నిర్వహించారు. ఈ కార్యక్రమంలో కృష్ణా జిల్లా బీజేపీ యువ మోర్చా అధ్యక్షుడు, మై భారత్ యువ వాలంటీర్ సెలక్షన్ కమిటీ సభ్యుడు యిర్రింకి నాగ శ్రీనివాస్ నాయుడుతో పాటు మై భారత్ అధికారులు పాల్గొన్నారు. కృష్ణా జిల్లాలోని వివిధ గ్రామాల నుంచి యువత ఈ ఎంపిక ప్రక్రియలో పాల్గొన్నారు. మై భారత్ ద్వారా ఎంపికైన యువ వాలంటీర్లు గ్రామీణ ప్రాంతాల్లో వివిధ స్వచ్ఛంద సేవా కార్యక్రమాలను నిర్వహిస్తూ, ప్రభుత్వానికి, ప్రజలకు మధ్య వారధిగా నిలుస్తారని యిర్రింకి నాగ శ్రీనివాస్ నాయుడు తెలిపారు. యువతలో సేవాభావాన్ని పెంపొందించడం, సామాజిక సేవా కార్యక్రమాల ద్వారా వారిని దేశ అభివృద్ధిలో భాగస్వాములను చేయడం మై భారత్ ప్రధాన లక్ష్యమని ఆయన పేర్కొన్నారు. యువత చురుకైన భాగస్వామ్యంతోనే వికసిత్ భారత్ లక్ష్యాన్ని సాధించడం సాధ్యమవుతుందని ఆయన అన్నారు.