ముంపు గ్రామాల నిర్వాసితుల సమస్యలపై చెన్నమనేని వికాస్‌రావు డిమాండ్

xPress24, rajanna siricilla, September 25, ముంపు గ్రామాల నిర్వాసితుల సమస్యలను పరిష్కారించాలని ప్రభుత్వానికి  బీజేపీ రాష్ట్ర అధికార ప్రతినిధి చెన్నమనేని వికాస్‌రావు డిమాండ్ చేశారు.  వేములవాడలో మీడియా సమావేశంలో మిడ్ మానేరు ముంపు గ్రామాలకు చెందిన 10వేల 683 కుటుంబాలు గత 20 ఏళ్లుగా అనేక ఇబ్బందులు ఎదుర్కొంటున్నాయని తెలిపారు. గత ప్రభుత్వం సమస్యల పరిష్కారంలో విఫలమైందని, ఆ పోరాటాల పునాదులపైనే ప్రస్తుత కాంగ్రెస్ ప్రభుత్వం అధికారంలోకి వచ్చిందని పేర్కొన్నారు. ఇప్పటికీ 4వేల 696 కుటుంబాలకు ఇళ్లు లేవని, మరో 1,800 కుటుంబాలకు పరిహారం ప్రకటించలేదని స్పష్టం చేశారు. పరిహారం, ఉపాధిపై స్పష్టత ఇవ్వాలి ముఖ్యమంత్రి రేవంత్ రెడ్డి పర్యటన నేపథ్యంలో మిడ్ మానేరు నిర్వాసితుల బాధితుల వివరాలను ప్రభుత్వం శ్వేతపత్ర రూపంలో విడుదల చేయాలని వికాస్‌రావు డిమాండ్ చేశారు. తగిన పరిహారం, ఉపాధి లేక అనేక కుటుంబాలు అప్పుల పాలై ఇబ్బందులు పడుతున్నాయని ఆవేదన వ్యక్తం చేశారు. కాంగ్రెస్ అధికారంలోకి రాకముందు ఇచ్చిన హామీల ప్రకారం ముంపు బాధితులకు నిధులు ఎందుకు విడుదల చేయలేదో సమాధానం చెప్పాలన్నారు. ముంపు ప్రాంతాల్లో పరిశ్రమలు ఏర్పాటు చేసి స్థానికులకు ఉపాధి కల్పించాలని కోరారు. గత ప్రభుత్వం ప్రకటించిన రూ.5.4 లక్షల పరిహారం హామీ కూడా నెరవేరలేదని విమర్శించారు. ప్రభుత్వం స్పందించాలని హెచ్చరిక ముంపు గ్రామాల సమస్యల పరిష్కారానికి ముఖ్యమంత్రి తక్షణ చర్యలు తీసుకోవాలని వికాస్‌రావు కోరారు. ఆర్‌అండ్‌ఆర్ ప్రాంతాల్లో నష్టపోయిన కుటుంబాల వివరాలతో శ్వేతపత్రం విడుదల చేయాలని డిమాండ్ చేశారు. బాధితుల సమస్యలపై ప్రభుత్వం వెంటనే స్పందించకపోతే ప్రజలు తగిన గుణపాఠం చెబుతారని హెచ్చరించారు. బైట్ - చెన్నమనేని వికాస్ రావు, బీజేపీ రాష్ట్ర అధికార ప్రతినిధి