మహిళా కానిస్టేబుళ్ల పాసింగ్ అవుట్ పరేడ్

xPress24, Vizainagaram, September 28, ప్రజల రక్షణ బాధ్యతను పోలీసులు నిబద్ధతతో నిర్వర్తించాలని హోం మంత్రి వంగలపూడి అనిత అన్నారు.  విజయనగరంలోని  పోలీస్  శిక్షణా కళాశాల గ్రౌండ్స్‌లో 2025–26 బ్యాచ్‌కు చెందిన 473 మంది మహిళా పోలీస్ కానిస్టేబుళ్ల పాసింగ్ అవుట్ పరేడ్  సోమవారం  జరిగింది. ఈ కార్యక్రమానికి ముఖ్య అతిథిగా హాజరైన హోం మంత్రి అనిత పోలీసుల నుండి గౌరవ వందనం స్వీకరించారు ఈ సందర్భంగా ఆమె మాట్లాడుతూ, పోలీసు ఉద్యోగం ఎంతో బాధ్యతతో కూడుకున్నదని పేర్కొన్నారు. మహిళా కానిస్టేబుళ్లు విధులతో పాటు కుటుంబ బాధ్యతలను సమన్వయం చేసుకుంటూ ఎంతోమందికి  స్ఫూర్తిగా నిలవాలని తెలియజేశారు.