యాదగిరిగుట్ట రామలింగేశ్వర స్వామి సన్నిధిలో దేవీ శరన్నవరాత్రి ఉత్సవాలు ప్రారంభం

xPress24, Yadadri Bhongir, October 12, ప్రముఖ పుణ్యక్షేత్రం యాదగిరిగుట్ట శ్రీ లక్ష్మీ నరసింహ స్వామి వారి దేవస్థాన అనుబంధ ఆలయమైన శ్రీ పర్వతవర్ధిని సమేత రామలింగేశ్వర స్వామి వారి ఆలయంలో దేవీ శరన్నవరాత్రి ఉత్సవాలు అత్యంత వైభవంగా ప్రారంభమయ్యాయి. ఉత్సవాల తొలిరోజైన నేడు అమ్మవారు శ్రీ బాలాత్రిపుర సుందరీ దేవి అలంకారంలో భక్తులకు దివ్య దర్శనమిచ్చారు. ఆలయ అర్చకులు, వేద పండితులు శాస్త్రోక్తంగా ప్రత్యేక పూజా కార్యక్రమాలను నిర్వహించారు. శాస్త్రోక్తంగా కలశ స్థాపన.. ప్రత్యేక పూజలు ఉత్సవాల ప్రారంభం సందర్భంగా ఉదయం ఆలయంలో విఘ్నేశ్వర పూజ, స్వస్తి వాచనము, పంచగవ్యప్రాశన, అఖండ దీపారాధన, అంకురారోపణము, మండపారాధన, కలశ స్థాపన కార్యక్రమాలను వేదమంత్రోచ్ఛారణల నడుమ నిర్వహించారు. అనంతరం బాలాత్రిపుర సుందరీ దేవికి విశేష పూజలు, మూలమంత్ర జపములు, శ్రీ దేవీ సప్తశతీ, లలితా సహస్రనామ పారాయణములు భక్తిశ్రద్ధలతో జరిపారు. ఈ పూజా కార్యక్రమాల్లో దేవస్థాన అధికారులు, అర్చక బృందం మరియు అధిక సంఖ్యలో భక్తులు పాల్గొని అమ్మవారి తీర్థప్రసాదాలు స్వీకరించి మొక్కులు చెల్లించుకున్నారు. సాయంత్రం నవావరణ పూజలు, సహస్రనామార్చన నవరాత్రి ఉత్సవాలలో భాగంగా సాయంత్రం 6:30 గంటల నుంచి అమ్మవారికి దేవీ త్రికాల పూజలు, విశేష నవావరణ పూజ, చతుష్షష్ట్యుపచారయుక్త సహస్రనామార్చన, నీరాజన మంత్రపుష్పములు సమర్పించనున్నారు. అనంతరం భక్తులకు తీర్థప్రసాదాల వితరణ చేయనున్నారు. నవరాత్రుల సందర్భంగా భక్తులు పెద్ద ఎత్తున తరలివస్తుండటంతో ఆలయ అధికారులు అందుకు తగిన ఏర్పాట్లు చేశారు. బైట్స్ ఆలయ ప్రధాన అర్చకులు, రామలింగేశ్వర స్వామి దేవాలయం, యాదగిరిగుట్ట ఈవో / ఆలయ అధికారి, యాదగిరిగుట్ట లక్ష్మీ నరసింహ స్వామి దేవస్థానం