రేషన్‌ దుకాణంలో స్టాక్‌, రిజిస్టర్ల పరిశీలన

xPress24, Vizianagaram, October 7, విజయనగరం, అక్టోబర్‌ 07: చీపురుపల్లి మండలంలోని ఎఫ్‌పీ షాప్‌ నంబర్‌ 223009ను సంయుక్త కలెక్టర్‌ ఎస్‌. సేధు మాధవన్‌ బుధవారం ఐవీఆర్‌ఎస్‌ ఫీడ్‌బ్యాక్‌ ఆధారంగా తనిఖీ చేశారు. ఈ సందర్భంగా దుకాణంలోని నిత్యావసర సరుకుల నిల్వలను, రిజిస్టర్లను పరిశీలించారు. స్టాక్‌ వివరాలను ఎప్పటికప్పుడు సక్రమంగా నమోదు చేసి, పక్కాగా నిర్వహించాలని నిర్వాహకులకు సూచించారు. ప్రజలకు రేషన్‌ సరుకుల పంపిణీలో ఎలాంటి జాప్యం, ఇబ్బందులు తలెత్తకుండా చర్యలు తీసుకోవాలని సంబంధిత సిబ్బందిని ఆదేశించారు. స్టాక్‌ నిర్వహణతో పాటు సరుకుల పంపిణీ ప్రక్రియలో ప్రభుత్వం నిర్దేశించిన నిబంధనలను తప్పనిసరిగా పాటించాలని సూచించారు.