లింగపాలెం అడవిలో లారీ బోల్తా

డ్రైవర్, క్లీనర్ క్షేమం.. క్లీనర్‌కు రెండు కాళ్లకు గాయాలు లింగపాలెం, సెప్టెంబర్ 29 : ఏలూరు జిల్లా లింగపాలెం మండల పరిధిలోని అటవీ ప్రాంతంలో మంగళవారం లారీ బోల్తా పడిన ఘటన చోటుచేసుకుంది. వరంగల్ నుంచి ఏలూరు వైపు కోళ్ల మేత లోడుతో వెళ్తున్న లారీ అదుపుతప్పి రహదారి పక్కకు వెళ్లి బోల్తా పడినట్లు సమాచారం. ఈ ప్రమాదంలో లారీ డ్రైవర్, క్లీనర్ ఇద్దరూ ప్రాణాపాయం నుంచి బయటపడ్డారు. అయితే లారీ క్లీనర్‌కు రెండు కాళ్లకు గాయాలు కావడంతో చికిత్స చేయించుకున్నట్లు సమాచారం. గాయాలకు వైద్యులు కట్లు వేసినట్లు తెలిసింది. ప్రమాదానికి గురైన లారీ కాకినాడకు చెందిన వ్యక్తిదిగా సమాచారం. ప్రమాదం జరిగిన సమయంలో లారీలో కోళ్ల మేత లోడు ఉన్నట్లు తెలుస్తోంది. ప్రమాదానికి ఖచ్చితమైన కారణాలు తెలియాల్సి ఉంది. ఈ ఘటనపై పూర్తి వివరాలు తెలియాల్సి ఉంది.