విజయవాడ–తిరుపతి మధ్య ప్రత్యేక రైలు

xPress24, Amaravati, October 12, అమరావతి, 12 అక్టోబర్  2026 : దసరా పండుగ ప్రయాణికుల రద్దీ దృష్ట్యా విజయవాడ–తిరుపతి మధ్య ప్రత్యేక రైలు నడపనున్నట్లు దక్షిణ కోస్తా రైల్వే ఒక ప్రకటనలో తెలిపింది. రేపటి నుంచి  నుంచి ఈ నెల 16వ తేదీ వరకు ప్రత్యేక రైలు అందుబాటులో ఉంటుందని పేర్కొంది. 07249 నంబరు కలిగిన రైలు ఉదయం 9 గంటల 30 నిమిషాలకు విజయవాడలో బయలుదేరి, అదే రోజు రాత్రి  తిరుపతి చేరుకుంటుందని,  తిరుగు ప్రయాణంలో  07250 నంబరు కలిగిన రైలు రాత్రి 9 గంటల 10 నిమిషాలకు తిరుపతిలో బయలుదేరి, మరుసటి రోజు ఉదయం  విజయవాడ చేరుకుంటుందని అధికారులు తెలిపారు.  ఈ ప్రత్యేక రైలు పెద్దవడ్లపూడి, దుగ్గిరాల, తెనాలి, నిడుబ్రోలు, బాపట్ల, చీరాల, చిన్నగంజాం, ఒంగోలు, సింగరాయకొండ, కావలి, నెల్లూరు, గూడూరు, వెంకటగిరి, శ్రీకాళహస్తి, రేణిగుంట స్టేషన్లలో ఆగుతుందని రైల్వే అధికారులు తెలిపారు.