వేములవాడ రాజరాజేశ్వరస్వామి ఆలయంలో వైభవంగా దేవీ నవరాత్రోత్సవాలు

ప్రసిద్ధ పుణ్యక్షేత్రమైన వేములవాడలోని శ్రీ రాజరాజేశ్వరస్వామి, శ్రీ భీమేశ్వరస్వామి ఆలయంలో శ్రీ దేవీ నవరాత్రోత్సవాలు వైభవంగా జరుగుతున్నాయి. స్వామివారికి మహాన్యాస పూర్వక ఏకాదశ రుద్రాభిషేకం, పరివార దేవతార్చనలు, శ్రీ రాజరాజేశ్వరి అమ్మవారికి చతుషష్టి, కన్యకా సుహాసిని పూజ లను వేద మంత్రోచ్చారణలతో భక్తిశ్రద్ధలతో వైభవంగా నిర్వహించారు. శరన్నవరాత్రోత్సవాల్లో భాగంగా రెండవ రోజు అమ్మవారు బ్రహ్మచారిని అలంకారంలో భక్తులకు దర్శనమిచ్చారు.