వరి పంటలో పురుగుమందుల అవశేషాల నియంత్రణపై రైతులకు అవగాహన

వినియోగదారుల ఆరోగ్యాన్ని పరిరక్షించడమే ములుకనూర్ సహకార సంఘం ప్రధాన లక్ష్యమని సంఘ అధ్యక్షుడు, మాజీ ఎమ్మెల్యే అలిరెడ్డి ప్రవీణ్‌రెడ్డి తెలిపారు. ములుకనూరులో వరి సాగులో పురుగుమందుల అవశేషాల నియంత్రణపై రైతులకు అవగాహన సదస్సు నిర్వహించారు. ఈ సందర్భంగా వరి శాస్త్రవేత్త డాక్టర్ వై.చంద్రమోహన్ సస్యరక్షణ చర్యలు, శాస్త్రీయ పద్ధతులపై రైతులకు వివరించారు. నాణ్యమైన, సురక్షితమైన ఆహారాన్ని అందించేందుకు రైతులతో కలిసి కృషి చేస్తున్నట్లు వెల్లడించారు.