వరుణ మంత్ర జపం శుభ పరిణామం

xPress24, Bhimavaram, October 6, భీమవరం: సకాలంలో సమృద్ధిగా వర్షాలు కురవాలనే సత్సంకల్పంతో వరుణ మంత్ర జపాన్ని నిర్వహించడం శుభ పరిణామమని రాష్ట్ర పబ్లిక్ అకౌంట్స్ కమిటీ చైర్మన్, ఎమ్మెల్యే పులపర్తి రామాంజనేయులు (అంజిబాబు) అన్నారు. పశ్చిమగోదావరి జిల్లా భీమవరంలోని మావుళ్లమ్మ అమ్మవారి దేవస్థానంలో మూడు రోజులపాటు నిర్వహించనున్న వరుణ మంత్ర జపం పూజలను మంగళవారం ప్రారంభించారు. ఆలయ ఈవో బుద్ధ మహాలక్ష్మి నగేష్ పర్యవేక్షణలో ఆలయ ప్రధానార్చకులు మద్దిరాల మల్లికార్జున శర్మ, వేద పండితులు వేద మంత్రోచ్ఛారణల మధ్య వరుణ మంత్ర జపం పూజలను నిర్వహించారు. సకాలంలో వర్షాలు కురిసి పంటలు సమృద్ధిగా పండాలని, ప్రజలు సుఖసంతోషాలతో ఉండాలని ఆకాంక్షిస్తూ ఈ ప్రత్యేక పూజలను నిర్వహిస్తున్నట్లు ఆలయ వర్గాలు తెలిపారు.