వర్షాభావ పరిస్థితులపై అధికారులతో మంత్రి తుమ్మల నాగేశ్వరరావు సమీక్ష

xPress24, Hyderabad, October 1, రాష్ట్రంలో వర్షాభావ పరిస్థితులు, ప్రస్తుత వాతావరణంపై వ్యవసాయ శాఖ మంత్రి తుమ్మల నాగేశ్వరరావు సంబంధిత అధికారులతో ప్రత్యేకంగా సమీక్ష నిర్వహించారు. ఈ సమావేశంలో ఎల్‌నినో పరిస్థితులు, రైతులు ఎదుర్కొంటున్న ఇబ్బందులు, అలాగే పంటల మద్దతు ధరలపై విస్తృతంగా చర్చించారు. వర్షాభావ పరిస్థితులు తలెత్తిన ప్రాంతాల్లో వ్యవసాయాధికారులు రెవెన్యూ అధికారులతో సమన్వయం చేసుకుని పనిచేయాలని మంత్రి సూచించారు. క్షేత్రస్థాయిలో పంటల పరిస్థితిని ఎప్పటికప్పుడు అంచనా వేయాలని ఆదేశించారు. కరవు మండలాల ప్రతిపాదనలు సిద్ధం చేయాలి తక్కువ వర్షపాతం నమోదైన ప్రాంతాలను గుర్తించి, తక్షణమే కరవు మండలాల ప్రతిపాదనలను శాస్త్రీయ పద్ధతిలో సిద్ధం చేయాలని మంత్రి తుమ్మల అధికారులను స్పష్టం చేశారు. ప్రభుత్వ నిబంధనల ప్రకారం అర్హత ఉన్న ప్రాంతాలను జాబితాలో చేర్చాలని తెలిపారు. రైతులను ఆదుకునేందుకు ప్రభుత్వం అన్ని విధాలా సిద్ధంగా ఉందని, ఎవరూ ఆందోళన చెందాల్సిన అవసరం లేదని భరోసా కల్పించారు.