శంషాబాద్ ఎయిర్‌పోర్ట్‌లో భారీగా బంగారం పట్టివేత

xPress24, Hyderabad, October 5, శంషాబాద్‌లోని రాజీవ్ గాంధీ ఇంటర్నేషనల్ ఎయిర్‌పోర్ట్‌లో ఓ ప్రయాణికుడి నుంచి భారీగా బంగారాన్ని కస్టమ్స్ అధికారులు స్వాధీనం చేసుకున్నారు. అనంతరం అతడిని డీఆర్ఐ అధికారులకు అప్పగించారు. ఆ ప్రయాణికుడిని వారు ప్రశ్నిస్తున్నారు. సోమవారం ఉదయం తిరుచిరాపల్లి నుంచి హైదరాబాద్‌ ఎయిర్‌పోర్ట్‌కు చేరుకున్న ప్రయాణికుడిని కస్టమ్స్ అధికారులు తనిఖీ చేశారు. ఈ సందర్భంగా అతడి వద్ద బంగారం ఉన్నట్లు గుర్తించారు. దాదాపు 800 గ్రాముల బంగారాన్ని అతడి వద్ద నుంచి స్వాధీనం చేసుకుని సీజ్ చేశారు. దీని విలువ రూ.1.20 కోట్లు ఉంటుందని కస్టమ్స్ అధికారులు వివరించారు.