సికింద్రాబాద్‌-కాకినాడ మధ్య రెండు ప్రత్యేక రైళ్లు

xPress24, Hyderabad, October 7, దసరా ప్రయాణికుల రద్దీని దృష్టిలో ఉంచుకొని సికింద్రాబాద్‌- కాకినాడ మధ్య రెండు ప్రత్యేకరైళ్లు నడపనున్నట్లు దక్షిణమధ్యరైల్వే ప్రకటించింది. 07817 ప్రత్యేకరైలు ఈ నెల 9న సికింద్రాబాద్‌ నుంచి రాత్రి 7.25 గంటలకు, 07818 ప్రత్యేకరైలు ఈ నెల 10న కాకినాడ నుంచి రాత్రి 9 గంటలకు బయల్దేరుతాయని సీపీఆర్‌ఓ శ్రీధర్‌ పేర్కొన్నారు. మార్గమధ్యంలో ప్రత్యేకరైళ్లకు చర్లపల్లి, నల్లగొండ, మిర్యాలగూడ, గుంటూరు, విజయవాడ, ఏలూరు, తాడేపల్లిగూడెం, రాజమండ్రి, సామర్లకోట రైల్వేస్టేషన్లలో హాల్ట్‌ ఉంటుందని ఆయన వెల్లడించారు