స్థానిక సంస్థల ఎన్నికల షెడ్యూల్ విడుదల

xPress24, Vijayawada, October 15, ఆంధ్రప్రదేశ్ లో స్థానిక సంస్థల ఎన్నికల షెడ్యూల్‌ను రాష్ట్ర ఎన్నికల కమిషనర్ అనిల్ చంద్ర పునేఠా  విడుదల చేశారు. దీంతో రాష్ట్రవ్యాప్తంగా  ఎన్నికల నియమావళి అమల్లోకి వచ్చినట్లు ప్రకటించారు. ఈ మేరకు విజయవాడలోని ఎన్నికల సంఘం కార్యాలయంలో బుధవారం  నిర్వహించిన పాత్రికేయుల సమావేశంలో స్థానిక సంస్థల ఎన్నికల వివరాలను వెల్లడించారు.13 నగరపాలక సంస్థలు, 77 పురపాలక సంఘాలు, 10 నగర పంచాయతీలకు ఈ నెల 28న పోలింగ్ నిర్వహించనున్నామని చెప్పారు.  ఎంపీటీసీ, జడ్పీటీసీ ఎన్నికలను నవంబర్ 3న నిర్వహించనుండగా గ్రామ పంచాయతీ ఎన్నికలను మూడు విడతల్లో నిర్వహించనున్నట్లు ఎన్నికల కమిషనర్ తెలియజేశారు.