హైదరాబాద్‌లో సేవా సంకల్ప్ అభియాన్ కార్యక్రమంలో పాల్గొన్న రామచందర్ రావు

xPress24, Hyderabad, October 1, ప్రధాని నరేంద్ర మోదీ ప్రజాసేవలో రెండున్నర దశాబ్దాల సుదీర్ఘ ప్రయాణాన్ని విజయవంతంగా పూర్తి చేసుకున్న సందర్భంగా దేశవ్యాప్తంగా సేవా కార్యక్రమాలు కొనసాగుతున్నాయి. ఇందులో భాగంగా తెలంగాణలో చేపట్టిన సేవా సంకల్ప్ అభియాన్ ప్రజల్లో సామాజిక బాధ్యతను మరింత పెంపొందిస్తోందని బీజేపీ రాష్ట్ర అధ్యక్షుడు ఎన్.రామచందర్ రావు తెలిపారు. హైదరాబాద్‌లోని తార్నాక పరిధిలో నిర్వహించిన ప్రత్యేక కార్యక్రమంలో  పాల్గొని మొక్కలు నాటారు. పర్యావరణ పరిరక్షణ ప్రతి ఒక్కరి బాధ్యత అని ఈ సందర్భంగా గుర్తుచేశారు. నెల రోజుల పాటు సేవా కార్యక్రమాలు సెప్టెంబర్ 17 నుంచి అక్టోబర్ 17 వరకు నెల రోజుల పాటు రాష్ట్రవ్యాప్తంగా విస్తృతంగా సేవా కార్యక్రమాలు నిర్వహిస్తున్నట్లు రామచందర్ రావు వెల్లడించారు. ఇందులో భాగంగా రక్తదాన శిబిరాలు, స్వచ్ఛతా డ్రైవ్‌లు, పెద్ద ఎత్తున మొక్కలు నాటే కార్యక్రమాలను చేపడుతున్నామని చెప్పారు. పార్టీ శ్రేణులు, కార్యకర్తలు ఈ కార్యక్రమాలను విజయవంతం చేయాలని పిలుపునిచ్చారు. భవితరాలకు ఆరోగ్యకరమైన పర్యావరణం వచ్చే తరాలకు స్వచ్ఛమైన, ఆరోగ్యకరమైన పర్యావరణాన్ని అందించేందుకు ప్రతి పౌరుడూ మొక్కలను నాటి వాటిని సంరక్షించాలని రామచందర్ రావు కోరారు. సేవా కార్యక్రమాల ద్వారా సమాజంలో మార్పు తీసుకురావడమే ఈ అభియాన్ ప్రధాన ఉద్దేశమని స్పష్టం చేశారు. బైట్ - ఎన్.రామచందర్ రావు, బీజేపీ రాష్ట్ర అధ్యక్షుడు